ԵՐԵՎԱՆ, ԴԵԿՏԵՄԲԵՐԻ 31, 24News
Այսօր՝ դեկտեմբերի 31-ին, արտակարգ դեպք է տեղի ունեցել Երևանում։ Ժամը 15։20-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Քրիստափորի փողոցում՝ «Փեթակ»-ի մոտ, ավտոմեքենա է այրվում։
Ինչպես հայտնում է ֆոտոլրագրող Գագիկ Շամշյանը, մինչ կժամանեին Երևանի թիվ 2-րդ հրշեջ-փրկարարական ջոկատի հրշեջ-փրկարարները, «Փեթակ»-ի մոտ ծառայություն կատարող ՀՀ ՆԳՆ ոստիկանության պարեկային ծառայության Երևան քաղաքի գնդի 1-ին գումարտակի 1-ին վաշտի պարեկներ Կարապետ Պատուրյանն ու Արծրուն Բագրատյանը օպերատիվորեն տարածքից հեռացրել են կայանված ավտոմեքենաները, ապա սահմանազատել ու քաղաքացիների հետ փորձել են մարել կրակը։
Ժամանած հրշեջ-փրկարարները մարել են կրակը, սակայն ավտոմեքենան դարձել է ոչ շահագործելի։
Առավել մանրամասն՝ սկզբնաղբյուր կայքում։
--00--ԼՀ