ԵՐԵՎԱՆ, ՄԱՐՏԻ 9, 24News
Պակիստանի ժողովրդական կուսակցության համանախագահ Ասիֆ Ալի Զարդարին ընտրվել է Պակիստանի նոր նախագահ և երկրորդ անգամ դարձել պետության ղեկավար։
Զարդարին Պակիստանի իշխող կոալիցիայի միակ թեկնածուն է, որում, մասնավորապես, ներառված է նրա որդու՝ Բիլավալ Բհուտո-Զարդարիի կուսակցությունը՝ Պակիստանի ժողովրդական կուսակցությունը։ Ընտրությունների ժամանակ նա հաղթել է ընդդիմադիր թեկնածու Մահմուդ Խան Աչակզային, որին աջակցում էր Պակիստանի նախկին վարչապետ Իմրան Խանի կուսակցությունը։
Շաբաթ օրը կայացած քվեարկության արդյունքում Զարդարին ստացել է 411 ձայն: Նա երկրորդ անգամ կստանձնի Պակիստանի նախագահությունը, որը նախկինում զբաղեցրել է 2008-2013 թվականներին:
--00—ՅՄ