ԵՐԵՎԱՆ, ՆՈՅԵՄԲԵՐԻ 30, 24News
Անհագ ցանկություն ունեմ հանդիպել Վահագն Խաչատուրյանին, ավելի հետ թող գնա՝ հասնի Թուրքմենչայի պայմանագիր Փաշինյանին արդարացնելու համար։ Աբսուրդ է, այսքան էլ չիմանա սեփական իշխանության պատմությունը և ասի՝ 1991-ին են Արցախը ճանաչել Ադրբեջանի կազմում։ Այս մասին 24TV-ի հաղորդման ժամանակ ասաց ՀԱԿ կուսակցության վարչության անդամ, իրավաբան Արմեն Խաչատրյանը։
«Բա 1996-ին Լիսաբոնում որ պետք է ՀՀ-ն ճանաչեր Ադրբեջանի տարածքային ամբողջականությունը, ինչո՞ւ Լևոն Տեր –Պետրոսյանը վետո դրեց կամ 1994-ի Բուդապեշտի առաջարկը, 1997-ի առաջարկը, որտեղ «Ադրբեջանի տարածքային ամբողջականություն» հասկացությունը հանված է, եթե 1991-ից Արցախն Ադրբեջանի կազմում էինք ճանաչել, բա ինչի՞ մասին էին բանակցում։ Հանցագործություն է կատարվել պատմության նկատմամբ և հիմա մեղավոր են գտնում, ավելի լավ է անկեղծ լինեն և ասեն՝ ուզեցել ենք, տվել ենք, ինչի՞ են հղում անում այլ պայմանագրի վրա, որը կարգին չեն էլ կարդացել»,-ավելացրեց Խաչատրյանը։
Անդրադառնալով Արագած սարի, զինանշանի, օրհներգի մասին Փաշինյանի հայտարարություններին՝ Խաչատրյանն ասաց, որ Փաշինյանը պայքարում է անցյալի դեմ․ «Փաշինյանն իրեն Տիգրան Մեծի, Պապ թագավորի տեղը դրեց, մեզ տարավ պարտության, անցյալի դեմ պատերազմելով և մեր ապագան զրո կետից սկսելով՝ նոր փորձանքի է տանում։ Փաշինյանն ո՞ւմ դեմ է պայքարում. 1918 թվականի Հայաստանի Հանրապետության հայրերի, Երրորդ Հանրապետության հայրերի դեմ, եթե զինանշանի առյուծի տեղը մեխակ դրեցինք, բա՞ն է փոխվելու»։
Մանրամասները՝ տեսանյութում։
Հերմինե Միքայելյան
--00—ԱՊ