Գորիսի քրեական հետախույզներն ապօրինի ավազով բարձած բեռնատարներ են հայտնաբերել

ԵՐԵՎԱՆ, ՀՈԿՏԵՄԲԵՐԻ 23,24News

Հոկտեմբերի 21-ին Գորիսի բաժնի քրեական հետախույզները, օպերատիվ տվյալներն իրացնելով, Թոզկապ տանող ճանապարհին հայտնաբերել ու բաժնի պահպանվող հատուկ տարածք են տեղափոխել ավազով բարձված երկու բեռնատար։  Մեքենաները շահագործվում էին առանց ԱՊՊԱ պայմանագրի, իսկ բեռի օրինականության վերաբերյալ համապատասխան փաստաթուղթ չկար։ Նույն օրը իրավապահները հայտնաբերել են ևս երկու բեռնատար՝ կրկին բարձված ապօրինի ավազով։ Նախաձեռնվել է քրեական վարույթ։ Կազմված փաստաթղթերն ուղարկվել են Գորիսի քննչական բաժին։ Հանգամանքները պարզվում են։ Այս մասին հայտնում են ՆԳՆ ոստիկանական ծառայությունից։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

--00--ԼՀ