ԵՐԵՎԱՆ, ՄԱՐՏԻ 22, 24News
Մարտի 21-ից 22-ը ԱԻՆ ՓԾ ճգնաժամային կառավարման ազգային կենտրոնում 12 ահազանգ է ստացվել հանրապետության տարբեր տարածքներում ձյան մեջ արգելափակված ավտոմեքենաների վերաբերյալ:
Մասնավորապես՝ Ծաղկահովիտ-Արթիկ, Ապարան-Սպիտակ ավտոճանապարհներին, Արագածոտնի մարզի Ապարանի տարածաշրջանում, Քուչակ-Ապարան և Քուչակ-Հարթավան ավտոճանապարհներին, Երնջատափ և Լուսագյուղ գյուղերում, Վայոց ձորի մարզի Ելփին գյուղում, Գեղարքունիքի մարզի Մարտունի քաղաքում, Տավուշի մարզի Ակնաղբյուր գյուղում։
Դեպքի վայր ժամանած փրկարարներն արգելափակումից դուրս են բերել 12 ավտոմեքենա և 35 քաղաքացու ցուցաբերել համապատասխան օգնություն։
--00--ԱՀ