ԵՐԵՎԱՆ, ՀՈՒՆԻՍԻ 13, 24news
Հունիսի 12-ին ժամը 17:53-ին, Ստեփանակերտ քաղաքի բնակչից ահազանգ է ստացվել, որ Ստեփանակերտ քաղաքի Գագարինի փողոցում օձ է հայտնվել, անհրաժեշտ է փրկարարների օգնությունը:
Սողունին հայտնաբերելու և բնակչության անվտանգությունն ապահովելու նպատակով, անմիջապես դեպքի վայր են մեկնել արագ արձագանքման հատուկ ստորաբաժանման հերթապահ օպերատիվ խումբը:
Նույն օրը ժամը 21:45-ին, «911» ճգնաժամային կառավարման կենտրոն ահազանգ է ստացվել, որ Ասկերան քաղաքի Ն. Ստեփանյան փողոցի մոտակա անասնագոմում օձ է հայտնվել: Սողունին հայտնաբերելու նպատակով դեպքի վայր են մեկնել Ասկերանի շրջանային արտակարգ իրավիճակների բաժնի հրշեջ-փրկարարները:
Փրկարարները որոնողական աշխատանքների արդյունքում սողուններին հայտնաբերել և տեղափոխել են անվտանգ տարածք:
--00—ՅՄ