ԵՐԵՎԱՆ, ԴԵԿՏԵՄԲԵՐԻ 8, 24News
Դեկտեմբերի 8-ին Ադրբեջանի նախագահ Իլհամ Ալիևն ընդունել է Եվրոպայի խորհրդի գլխավոր քարտուղար Մարիա Պեյչինովիչ Բուրիչին։
Բուրիչը նշել է, որ իրենք բարձր են գնահատում Հայաստանի և Ադրբեջանի երեկվա համատեղ հայտարարությունը, մասնավորապես դրանից բխող քայլերը, որոնք ուղղված են երկու երկրների միջև վստահության ձևավորմանը։ Նա ասել է, որ Եվրոպայի խորհուրդը պատրաստ է նպաստել Ադրբեջանի և Հայաստանի միջև վստահության ձևավորման գործընթացներին։
Ալիևը հայտարարել է, որ իր և Փաշինյանի ընդունած համատեղ հայտարարությունը ևս մեկ անգամ փոխադարձ քաղաքական կամքի դրսևորում է՝ երկկողմ խաղաղության օրակարգն առաջ մղելու և հարաբերությունները կարգավորելու համար։ Երկրի ղեկավարն ընդգծել է, որ Եվրոպայի խորհուրդը նաև շատ լավ հարթակ է երկու երկրների միջև վստահության ամրապնդման գործընթացները խթանելու համար։
--00—ՅՄ