ԵՐԵՎԱՆ, ՄԱՅԻՍԻ 11, 24News
Իսրայելի պաշտպանության բանակը (ԻՊԲ) այս գիշեր սպանել է պաղեստինյան «Իսլամական ջիհադ»-ի հրթիռային ուժերի հրամանատար Ալի Ղալիին՝ թիրախավորելով Գազայի հատվածի Խան Յունիս քաղաքում գտնվող նրա տունը: «Արմենպրես»-ի փոխանցմամբ՝ այս մասին հաղորդում է Jerusalem Post պարբերականը՝ վկայակոչելով ԻՊԲ-ի խոսնակի տարածած հայտարարությունը:
Ալի Ղալիի հետ միասին տանը թաքնված են եղել «Իսլամական ջիհադ»-ի ևս երկու անդամներ, որոնք նույնպես սպանվել են:
Ի պատասխան՝ Գազայի հատվածից այսօր առավոտից դարձյալ սկսել են հրթիռներ արձակել Իսրայելի տարածքի ուղղությամբ: Իսկ գիշերը Սդերոտ և Աշկելոն քաղաքներում հրթիռները հարվածել են տների: Վիրավորների մասին տեղեկություններ չեն հաղորդվել:
Մայիսի 10-ին Իսրայելի ուղղությամբ արձակվել է շուրջ 400 հրթիռ: Եգիպտոսը հրադադարի առաջարկ է ուղարկել, որը քննարկվում է Իսրայելի պաշտպանական գերատեսչության կողմից:
Մանրամասն՝ սկզբնաղբյուր կայքում։
--00—ՅՄ