ԵՐԵՎԱՆ, ՄԱՅԻՍԻ 26, 24News
«Բաց հասարակության հիմնադրամ» հասարակական կազմակերպության եվրաինտեգրման ծրագրի ղեկավար Վանո Չխիկվաձեի խոսքով՝ հոկտեմբերի 17-ին կամ 25-ին հայտնի կդառնա՝ Եվրահանձնաժողովը Վրաստանին ԵՄ անդամակցության թեկնածուի կարգավիճակ կտրամադրի, թե ոչ։
Այս մասին թվիթերյան իր էջում գրել է Վանո Չխիկվաձեն, հայտնում է «Ալիք Մեդիան»։
«Աղբյուրի համաձայն՝ Եվրահանձնաժողովը հոկտեմբերի 17-ին կամ 25-ին կներկայացնի ընդլայնման փաթեթը։ Այդ ժամանակ կիմանանք՝ արդյոք Եվրամիության խորհուրդը հանձնարարական կտա Վրաստանին թեկնածուի կարգավիճակ տրամադրելու վերաբերյալ»,- գրում է Վանո Չխիկվաձեն։
Ի դեպ, հասարակական կազմակերպությունների գնահատմամբ՝ Վրաստանն ամբողջությամբ կատարել է Եվրահանձնաժողովի 12 պայմաններից միայն մեկը։
--00--ԶՀ