ԵՐԵՎԱՆ, ՀՈԿՏԵՄԲԵՐԻ 12, 24News
ՀՀ առողջապահության նախարար Անահիտ Ավանեսյանը «Ազատության» եթերում հայտարարել է, որ ՀՀ առողջապահության նախարարությունը մշակում է նախագիծ՝ առաջարկելով ժամանցի վայրեր, ռեստորաններ մուտքի համար կորոնավիրուսի դեմ պատվաստման կամ թեստավորված լինելու պահանջ սահմանել:
«Դիտարկում ենք այլ երկրների փորձը, օրինակ, ժամանցի վայրեր, համերգասրահներ, ռեստորաններ այցելելու համար ևս մտցնել նման պահանջ»,-ասել է Անահիտ Ավանեսյանը և հավելել, որ նախարարությունն աշխատում է այդ ուղղությամբ:
«Հավաքագրում ենք փորձը, թե կարգավորման մեխանիզմներն ինչպես պետք է լինեն, և երկու շաբաթվա ընթացքում արդեն նախնական նախագիծը կունենանք»,-ասել է նախարարը՝ ընդգծելով, որ համերգներ են տեղի ունենում, որոնք վարակի տարածման առումով վտանգավոր են։
--00—ԼՄ