ԵՐԵՎԱՆ, ՄԱՅԻՍԻ 2, 24News
Գյումրու ինֆեկցիոն հիվանդանոցում մայիսի 2-ի դրությամբ կորոնավիրուսով 85 վարակակիր է բուժվում, նրանցից 79-ը Շիրակի մարզի բնակիչ է: Այս մասին հայտնում է Շիրակի մարզպետարանը:
Մեկուսացման ցուցում ստացած շիրակցի 16 քաղաքացիների մոտ, որոնք 14 օր մեկսացման վայրում գտնվելուց հետո, ըստ ցուցման, անցել են թեստավորում, նմուշառումը դրական արդյունք է ցույց տվել։ 16-նն այժմ Գյումրու ինֆեկցիոն հիվանդանոցում են։
Մարզպետարանի փոխանցմամբ՝ Երևան տեղափոխված հիվանդների թիվը 19-ն է: Ընդհանուր առմամբ առողջացել և հիվանդանոցից դուրս է գրվել 18 պացիենտ։
Նշենք, որ Շիրակի մարզում այս պահին մեկուսացման և ինքնամեկուսացման ցուցում ունի 305 քաղաքացի։