ԵՐԵՎԱՆ, ՀՈՒԼԻՍԻ 4, 24news
Իսրայելի Թել Ավիվ քաղաքի առևտրի կենտրոններից մեկի մոտ վարորդը մեքենայով վրաերթի է ենթարկել անցորդներին։ Նա այնուհետև դուրս է եկել մեքենայից և սկսել դանակահարել մարդկանց։ Միջադեպի հետևանքով կա 8 վիրավոր։ Ինչպես «Արմենպրես»-ը տեղեկանում է CNN-ից, այս մասին հայտնել են Իսրայելի իշխանությունները։
Իսրայելի ոստիկանության խոսնակը միջադեպն անվանել է «ահաբեկչական հարձակում»։ Հաղորդվում է, որ վարորդը սպանվել է զինված քաղաքացու կողմից։
Վիրավորներից մեկը՝ 46-ամյա մի կին, գտնվում է ծանր վիճակում։
Հարձակումը տեղի է ունենում այն ժամանակ, երբ Իսրայելի ուժերը շարունակում են Հորդանան գետի արևմտյան ափին հուլիսի 3-ից սկսված գործողությունը, որն իսրայելական կողմը որակել է որպես «հակաահաբեկչական»։ Այդ գործողության հետևանքով, ըստ Պաղեստինի առողջապահության նախարարության, զոհվել է առնվազն 10 մարդ, շուրջ 100 մարդ վիրավորվել է։
Մանրամասն՝ սկզբնաղբյուր կայքում։
--00—ՅՄ