ԵՐԵՎԱՆ, ՀՈԿՏԵՄԲԵՐԻ 5, 24News
Փաշինյանը Գրանադայում ԵՄ-ի ղեկավար Շառլ Միշելի, Գերմանիայի կանցլեր Օլաֆ Շոլցի և Ֆրանսիայի նախագահ Էմանուել Մակրոնի հետ հանդիպմանը ստորագրել է հռչակագիր, որում Ադրբեջանի տարածքը ճանաչել է 86,6 հազար քառ կմ։ Այս մասին հայտնում է ՏԱՍՍ գործակալությունը՝ հղում անելով Եվրամիության հայտարարությանը։ Նշենք, որ նշված տարածքը ներառում է նաև Արցախը։
ԵՄ ղեկավարը, ֆրանսիայի ու Գերմանիայի առաջնորդները ընդգծել են իրենց անսասան աջակցությունը Հայաստանի անկախությանը, ինքնիշխանությանը, տարածքային ամբողջականությանը և սահմանների անձեռնմխելիությանը։
Հռչակագրում կոչ է արվում Հայաստանին և Ադրբեջանին համագործակցել անհետ կորածների որոնման և տարածքների համատեղ ականազերծման հարցերով, ինչպես նաև՝ նրանց գտնվելու վայրի մասին տեղեկատվություն տրամադրել:
Կոչ է արվում նաև երկու կողմերին ազատ արձակել բոլոր գերիներին։
--00—ԱՊ