ԵՐԵՎԱՆ, ՄԱՅԻՍԻ 26, 24News
Հանրապետության նախկին նախագահ Արմեն Սարգսյանը Վրաստանի ազգային տոնի առթիվ շնորհավորել է նախագահ Սալոմե Զուրաբիշվիլիին։
«Մեծարգո տիկին նախագահ,
Թանկագին Սալոմե,
Ուրախ եմ ջերմ շնորհավորանքներս և բարեմաղթանքներս հղել Ձեզ Վրաստանի ազգային տոնի՝ Անկախության օրվա առթիվ:
Հայ-վրացական անկեղծ և հաստատուն բարեկամությունը փոխշահավետ և հաջող համագործակցության իրական պատմություն է, և մենք պետք է հոգ տանենք՝ ավելի խորացնելու և զարգացնելու այն։
Իսկ մեր անձնական բարեկամությունը, թանկագին Սալոմե, հայ և վրացի ժողովուրդների բարեկամության պատմական կամրջի մի մասն է, և ուրախ եմ, որ մեր յուրաքանչյուր հանդիպում Երևանում, Թբիլիսիում կամ միջազգային որևէ հարթակում ուղղված է եղել այն ամրապնդելուն:
Պատրաստ եմ այսուհետ ևս ուժերիս ներածին չափով իմ նպաստը բերել այդ գործին»։
--00—ԼՄ