ԵՐԵՎԱՆ, ՍԵՊՏԵՄԲԵՐԻ 18, 24News
«Ուժը Հայրենյաց» կուսակցության Երևանի քաղաքապետի թեկնածու Նատալյա Ռոտենբերգը անդրադարձել է ՏԻՄ ընտրության հետընտրական արդյունքներին․
«Ընտրությունները վերջացան, կյանքի նոր փուլ սկսվեց։ Շատ ուրախ եմ, որ մեր ձայները փոխանցվեցին Ավինյանի թիմին, թող դա նվեր լինի նրանց և բոլոր այն մարդկանց համար, որոնք ընտրեցին իրենց, բայց և պատիժ բոլոր նրանց համար, ովքեր չեկան ընտրության՝ որոշելու Երևանի ճակատագիրը: Մարդիկ ընտրեցին իրենց նմաններին, իսկ ով չմասնակցեց, դավաճանեց իր հայրենիքը։
Հիմա մի լացեք և մի բողոքեք, դուք ինքներդ կայացրիք ձեր որոշումը, Աստված վկա։
Դուք ոչինչ չեք արել ձեր երկրի և ձեր քաղաքի համար, այնպես որ նստեք և համբերատար տարեք։
Խավարը կրկին հաղթեց լույսին»,- գրել է նա։
--00—ՍՊ