ԵՐԵՎԱՆ, ՄԱՅԻՍԻ 23, 24News
«Ժողովուրդ» օրաթերթը գրում է.
Հաշվեքննիչ պալատը ՀՀ ֆինանսների նախարարությունում ստուգումներ է իրականացրել: Այդ հաշվեքննության արդյունքում 2022 թվականի բյուջեի տարեկան կատարման մասով ուշագրավ փաստեր են հայտնաբերվել: Օրինակ՝ «Պլանավորում, բյուջետավորում, գանձապետական ծառայություններ, պետական պարտքի կառավարում, տնտեսական եւ հարկաբյուջետային քաղաքականության մշակում եւ մոնիտորինգ» ծրագրով առկա է 540 մլն 865 հազար դրամի չափով անհամապատասխանություն:
Այստեղ խոսքը վերաբերում է աշխատողների հավելավճարներին եւ պարգեւատրումներին: Առկա է նաեւ խեղաթյուրման ռիսկ՝ «Կառավարության պարտքի սպասարկում» միջոցառման հետ կապված: Այստեղ խեղաթյուրման ռիսկը պայմանավորված է արտարժույթով կատարված վճարներով եւ դրանց տատանումներով: Այս եւ այլ թերացումների մասով Հաշվեքննիչ պալատը նաեւ առաջարկություններ է ներկայացրել Ֆինանսների նախարարություն:
Առավել մանրամասն՝ թերթի այսօրվա համարում։
--00—ՍՊ