ԵՐԵՎԱՆ, ՄԱՅԻՍԻ 22, 24News
Վրաստանի արտաքին գործերի նախարարության (ԱԳՆ), Հարավային Աֆրիկայի Հանրապետությունում Վրաստանի դեսպանատան և Ծովային տրանսպորտի գործակալության ջանքերի արդյունքում մայիսի 21-ին վրացի նավաստիները գերությունից ազատվել են, հայտնում է Վրաստանի ԱԳՆ-ն։ Այս մասին հայտնում է «Ալիք Մեդիան»։
Ըստ ԱԳՆ-ի՝ նավաստիները բուժզննում են անցնում Նիգերիայում, և նրանց առողջական վիճակը բավարար է։ ԱԳՆ-ի փոխանցմամբ՝ մոտ օրերս նավաստիները կվերադառնան հայրենիք. նրանց վերադարձն ապահովում է գործատու ընկերությունը։
«Մայիսի 2-ին Կենտրոնական Աֆրիկայի Գաբոնի տարածքային ջրերում Մարշալյան կղզիների դրոշի ներքո ընթացող նավից վրացի նավաստիներ են առևանգվել։ Դրանից հետո Վրաստանի արտաքին գործերի նախարարությունը, Հարավային Աֆրիկայում Վրաստանի դեսպանությունը և Ծովային տրանսպորտի գործակալությունը ջանադրաբար աշխատում էին Վրաստանի քաղաքացիներին օգնելու համար։ Հարավային Աֆրիկայում Վրաստանի հյուպատոսը մշտական կապի մեջ էր նաև Պրետորիայում Գաբոնի դեսպանատան և գործատու ընկերության ներկայացուցիչների հետ։
Վրացի նավաստիները գերությունից ազատվել են մայիսի 21-ին»,- նշված է ԱԳՆ-ի հաղորդագրության մեջ:
--00—ԶՀ