ԵՐԵՎԱՆ, ԱՊՐԻԼԻ 4, 24News
Հունգարիայի գործող վարչապետ Վիկտոր Օրբանի «Fidesz» կուսակցությունը հաղթանակ է տարել երկրում կայացած խորհրդարանական ընտրություններում։
Ինչպես տեղեկացնում է «Արմենպրես»-ը, վկայակոչելով BBC-ին, Կենտրոնական ընտրական հանձնաժողովի հրապարակած տվյալների համաձայն, Օրբանի կուսակցությունը ստացել է քվեների 58 տոկոսը, իսկ վեց ընդդիմադիր կուսակցություններից կազմված դաշինքի օգտին քվեարկել է հունգարացի ընտրողների 31 տոկոսը։
«Մենք այնպիսի մեծ հաղթանակ ենք տարել, որ այն կարող են տեսնել ոչ միայն Բրյուսելից, այլև լուսնից», - հայտարարել է Օրբանը։
Օրբանը շնորհակալություն է հայտնել բոլոր նրանց, ովքեր կողմ են քվեարկել իրենց կուսակցության օգտին:
Նա ընդգծել է, որ ընդդիմությունը պարտություն է կրել ի հեճուկս այն բանի, որ դաշինք է ստեղծել, որին «աջակցում էին մի շարք միջազգային ուժեր»:
--00—ՀԶ