ԵՐԵՎԱՆ, ՀՈՒՆԻՍԻ 8, 24News
Ոստիկանության Արաբկիրի բաժնի քրեական հետախուզության բաժանմունքի ծառայողները ստացված օպերատիվ տվյալներն իրացնելով, Կոտայքի մարզի Ձորաղբյուր գյուղի Ամառանոցային 1 թաղամասից ոստիկանության Արաբկիրի բաժին են բերման ենթարկել Երևան քաղաքի Օրբելի փողոցում հաշվառված, 20-ամյա Վաչագան Սողոմոնյանին, որն այս տարվա մայիսի 26-ից ոստիկանության կողմից հետախուզվում էր, այս մասին հայտնում է Shamshyan.com-ը։
Ոստիկանները մի քանի հասցեներում դարանակալումներ են կատարել, մինչև հայտնաբերել են նրան, այնուհետև Երևանում նրա կողմից վարձակալական հիմունքներով գտնվող բնակության վայրից՝ Տիգրան Մեծի շենքերից մեկի բնակարանում հայտնաբերվել է 20 հազար ՀՀ դրամ անվանական արժեքով կեղծ թղթադրամներ՝ մոտ 9 հատ, ինչպես նաև դրամ պատրաստելու տպիչ սարք։
Արդեն ոստիկանությունում պարզվել է, որ Վ. Սողոմոնյանը ոչ միայն նման արարք է կատարել, այլ նաև մի շարք յուրացումներ և գույքի դիտավորյալ վնասումներ։
Աղբյուրի տեղեկություններով՝ յուրացումների թիվն անցնում է մի քանիսը, և նա նաև կարողացել է հմտորեն խաբել հանրապետությունում գործող մի քանի ընկերությունների մենեջերների։
--0--ԿԿ