Հայաստանի ուղարկած մարդասիրական օգնությունը հասել է Եգիպտոս. 1-2 օրում կփոխանցվի Գազայի բնակիչներին

ԵՐԵՎԱՆ, ՄԱՐՏԻ 28, 24News

ff

Հայաստանի Հանրապետության կողմից Գազայի բնակչությանն ուղղված ավելի քան 30 տոննա կշռող մարդասիրական օգնությունը տեղափոխող ինքնաթիռը մարտի 28-ին վայրէջք է կատարել Եգիպտոսի ալ-Արիշ քաղաքի ռազմական օդանավակայանում։

Այդ մասին հայտնում են Եգիպտոսում Հայաստանի դեսպանությունից:

Եգիպտոսում ՀՀ դեսպան Հրաչյա Փոլադյանը օդանավակայանում դիմավորել է ուղեբեռը և օդանավի անձնակազմի հետ միասին այն հանձնել Եգիպտոսի Կարմիր մահիկ ընկերությանը, որի համակարգմամբ մեկ-երկու օրվա ընթացքում մարդասիրական օգնությունը կփոխանցվի Գազայի տառապյալ բնակիչներին։

Օգնությունը ներառում է սնունդ, դեղորայք և բժշկական պարագաներ:

 

--00—ՍՊ