Աշխարհաքաղաքական բարդ իրավիճակի պատճառով շատ ավիաընկերություններում օդանավերի սղություն է. «Արմենիա»

ԵՐԵՎԱՆ, ՕԳՈՍՏՈՍԻ 6, 24News

նկար

«Արմենիա» ավիաընկերության փոխտնօրեն Գևորգ Խաչատրյանը ֆեյսբուքյան էջում գրում է.

«Հարգելի՛ գործընկերներ և ուղևորներ, Արմենիա ավիաընկերության և մեր ամբողջ թիմի անունից ներողություն ենք խնդրում պատճառած անհարմարությունների համար:

Երեկ՝ երեկոյան 21:00-ից, մինչև այս պահը անդադար, մենք աշխատել և աշխատում ենք չվերթների հետ առաջացած խնդիրները լուծելու համար: Ստացվել է այնպես, որ աշխարհաքաղաքական բարդ իրավիճակը շատ ավիաընկերություններում առաջացրել է օդանավերի սղություն` պայմանավորված եվրոպական պատժամիջոցներով: Շատ լիզինգատուներ ետ են կանչել իրենց օդանավերը:

«Արմենիա» ավիաընկերությունը իր 6 տարվա պատմության մեջ երբեք չի հրաժարվել իր պարտավորությունների կատարումից: Այսօրվա ուշացումները ևս բացառություն չեն: 06/08 NGT 930 չվերթը, որը նախատեսված էր 10:20-ին, արդեն մեկնել է Մոսկվա: Դեպի Հուրգադա NGT 1727/1728 չվերթը կմեկնարկի 01:00 Երևանի ժամանակով: Բոլոր ուղևորներին հասանելի փոխհատուցումները կատարվելու են, հյուրանոցները ապահովվելու են:

Շնորհակալություն ըմբռնման համար»:

--00—ԼՄ

Տեսանյութեր