Փաստորեն «տղամարդլամիշ» լինող Նիկոլ Փաշինյանը վախեցավ ՀԱԿ-ի հետ ուղիղ բանավեճից․ Զուրաբյան

ԵՐԵՎԱՆ, ՀՈՒՆԻՍԻ 17, 24News

․

Փաստորեն «տղամարդլամիշ» լինող Նիկոլ Փաշինյանը վախեցավ Հայ Ազգային Կոնգրեսի հետ ուղիղ բանավեճից։ Երբեք չենք կասկածել, որ նա սարսափում է Կոնգրեսի քննադատությունից, որովհետև այն դուրս է հայհոյանքների հարթությունից: Այս մասին իր ֆեյսբուքյան էջում գրել է ՀԱԿ անդամ Լևոն Զուրաբյանը:

Գրառումը՝ ստորև.

«Նիկոլ Փաշինյանը հրավիրել էր առաջին նախագահ Լևոն Տեր֊Պետրոսյանին բանավեճի հանրային հեռուստատեսության եթերում հունիսի 17֊ին կայանալիք բանավեճում։ Ես պատասխանել էի, որ Հայաստանի համար մի նոր նվաստացում կլինի մեր երկրի հաղթանակի խորհրդանիշ Տեր֊Պետրոսյանի և Հայաստանի պարտության և նվաստացման խորհրդանիշ Նիկոլ Փաշինյանի միջև բանավեճի պատկերը։ Ես ասել էի նաև, որ քանի որ ես Հայաստանի հաղթանակի խորհրդանիշ չեմ և եթե նա շատ է ուզում բանավիճել Հայ Ազգային Կոնգրեսի հետ, պատրաստ եմ ներկայացնել Կոնգրեսին գալիք բանավեճում։

Այսօր պատասխան ստացանք Հանրային հեռուստատեսությունից, որը մերժել է մեր մասնակցությունը հունիսի 17֊ի բանավեճում։ Բացատրությունն այն է իբր, որ այդ բանավեճին կարող են մասնակցել միայն ցուցակների առաջին դեմքերը։

Նման պատասխան տվողները հավանաբար մոռացել են, որ խոսքը նախագահական ընտրությունների մասին չէ, որտեղ, իրոք, կարող էին մանակցել միայն կոնկրետ պաշտոնի համար մրցող թեկնածուները։ Գործող սահմանադրությամբ Ազգային Ժողովի ընտրությունները կուսակցությունների մրցույթ է, հետևաբար, կուսակցությունները պետք է ունենան հավասար իրավունք մասնակցելու բանավեճին, ընդորում ընտրել այն անձին, որը կներկայացնի կուսակցությանը բանավեճում։

Փաստորեն «տղամարդլամիշ» լինող Նիկոլ Փաշինյանը վախեցավ Հայ Ազգային Կոնգրեսի հետ ուղիղ բանավեճից։ Երբեք չենք կասկածել, որ նա սարսափում է Կոնգրեսի քննադատությունից, որովհետև այն դուրս է հայհոյանքների հարթությունից, որում ԺՊ֊ն իրեն զգում ինչպես ձուկը ջրում, և հիմնված է անհերքելի փաստարկների վրա, որոնց նա պատասխան չունի:

--00--ԱՀ

Տեսանյութեր

Live

Լրահոս