ԵՐԵՎԱՆ, ՄԱՅԻՍԻ 13, 24News
Հայրենիքի փրկության շարժման ֆեյսբուքյան էջում Վազգեն Մանուկյանի անունից հայտարարություն է տարածվել, որում քաղաքական գործիչը անհանգստություն է հայտնում երկրին սպառնացող լուրջ վտանգների համար և Հայրենիքի փրկության շարժման խորհրդի անդամներին հրավիրում է խորհրդի նիստի։
«Հարգելի՛ գործընկերներ, Սյունիքում տեղի ունեցող իրադարձությունները ցույց են տալիս մեր երկրին սպառնացող լուրջ վտանգներ: Մինչև ընտրությունների օրը մենք այս իշխանության օրոք կարող ենք կորցնել մեր հայրենիքի նորանոր տարածքներ:
Մեր հետագա անելիքները քննարկելու նպատակով վաղը՝ մայիսի 14-ին, ժամը 17:00-ին, Հայրենիքի փրկության շարժման խորհրդի անդամներին հրավիրում եմ խորհրդի նիստի:
Հարգանքով՝ Վազգեն Մանուկյան»։
--00—ԼՄ