ԵՐԵՎԱՆ, ՀՈւՆՎԱՐԻ 30, 24News
Դատարանը ոչ իրավաչափ է ճանաչել Վահագն Չախալյանի ձերբակալությունը և մերժել է նրա նկատմամբ կալանավորումը որպես խափանման միջոց ընտրելու մասին քննիչի միջնորդություն։ Այս մասին ֆեյսբուքյան իր էջում գրել է փաստաբան Միքայել Շխիմյանը։
«Դատարանը, նախագահությամբ դատավոր Վ.Մելիքյանի, բավարարեց իմ կողմից ներկայացված բողոքը և ոչ իրավաչափ ճանաչեց վստահորդիս, Վահագն Չախալյանի ձերբակալումը, միևնույն ժամանակ, նույն որոշմամբ մերժեց վերջինիս նկատմամբ կալանավորումը որպես խափանման միջոց ընտրելու վարույթն իրականացնող մարմնի միջնորդությունը(հիմնավոր կասկածի բացակայությամբ):
Վ.Չախալյանը մեղադրվում էր ՀՀ կառավարության շենքը խմբի կազմում զավթելու փորձ կատարելու մեջ:
Կեցցե ՀՀ Դատարանը»,֊գրել է փաստաբանը։
--0--ԿԿ