ԵՐԵՎԱՆ, ՄԱՅԻՍԻ 24, 24News
Մայիսի 23-ին ուժեղ քամու և փոթորկի հետևանքով արտակարգ դեպք է տեղի ունեցել Արագածոտնի մարզում։ Երեկոյան Օշական գյուղի 1-ին փողոցում մոտ 80 տարվա բարդին արմատից կոտրվել ու տապալվել է, գրում է shamshyan.com-ը։
Ըստ նախնական տեղեկության՝ տուժածներ չկան, սակայն ծառի տապալման հետևանքով մետաղե ջարդոնի են վերածվել բակում կայանված «ՎԱԶ 2106» և «ՎԱԶ 2107» մակնիշի ավտոմեքենաները։
Աղբյուրը նաև հայտնում է, որ մայիսի 24-ին տապալված ծառի հարևանությամբ գտնվող, վտանգ ներկայացնող ևս մեկ բարդի են կտրել, հեռացրել տարածքից, քանի որ կար մտավախություն, որ ոչ միայն այդ ծառը, այլև գյուղում նմանատիպ բազմաթիվ այլ ծառեր կարող են տապալվել։
Աղբյուրը նաև հայտնում է, որ Օշականի համայնքապետարանն անում է ամեն ինչ վտանգ ներկայացնող ծառերը տարածքից հեռացնելու համար։
--00—ԼՄ