ԵՐԵՎԱՆ, ՀՈւՆԻՍԻ 20, 24News
Ռուսական «РБК» գործակալությունը պարզել է այն գործարարների անունները, որոնք վճարել են ՀՀ երկրորդ նախագահ Ռոբերտ Քոչարյանի ազատ արձակման գրավը: Այդ գործարարներն են «Տաշիր» ընկերությունների խմբի նախագահ
Սամվել Կարապետյանը, «Մոնարխ» ընկերության ղեկավար
Սերգեյ Համբարձումյանը, գործարար
Գենադի Ստեփանյանը, ինչպես նաև «Սիստեմա» բաժնետիրական ֆինանսական կորպորացիան, որտեղ Ռոբերտ Քոչարյանն աշխատում է որպես տնօրենների խորհրդի անդամ։
«РБК» գործակալությունը նաև գրում է, որ իր աղբյուրներից ստացված տեղեկությունը հաստատել է ՀՀ երկրորդ նախագահի գրասենյակի ղեկավար Վիկտոր Սողոմոնյանը։
Հիշեցնենք, որ հունիսի 18-ին ՀՀ Վերաքննիչ քրեական դատարանը որոշեց 2 միլիարդ դրամ գրավով փոխարինել ՀՀ երկրորդ նախագահ Ռոբերտ Քոչարյանի խափանման միջոց կալանքը:
