ԵՐԵՎԱՆ, ՄԱՅԻՍԻ 20, 24News
Երբ պետությունն ու Եկեղեցին միախառնվում են, դրանից ավելի վտանգավոր բան չկա։ Այս մասին «Վարչապետի գավաթ» մրցաշարի մասնակիցների հետ հանդիպմանն ասաց ՀՀ վարչապետ Նիկոլ Փաշինյանը՝ պատասխանելով մասնակիցներից մեկի հարցին, թե ինչպիսին է ներկա փուլում պետություն-եկեղեցի հարաբերությունները։
Նրա խոսքով՝ պետությունը պետք է զբաղվի իր գործով, Եկեղեցին՝ իր։ Չնայած՝ դրանք միշտ չէ, որ իրարից տարբերակվում և տարանջատվում են, շատ հարցեր կան, որ խաչվում են։
«Մեր սկզբունքն այն է, որ հարաբերությունները պետք է լինեն իրավական, օրինական, ՀՀ օրենքններին համապատասխան, բայց նաև եթե Եկեղեցին ուզում է քաղաքական գործունեություն ծավալել, թող կուսակցություն ստեղծեն, նաև քաղաքական գործունեություն ծավալեն»,-նշեց Փաշինյանը։
--00—ԶՀ