ԵՐԵՎԱՆ, ԱՊՐԻԼԻ 29, 24News
ՀՀ արտգործնախարար կոչված, իրականում՝ տարբեր օտար ծառայությունների գործակալը մեկնում է ԱՄՆ, իր ադրբեջանցի գործընկերոջ հետ «խաղաղության», իրականում ՝ հերթական կապիտուլյացիայի փաստաթղթի ճանապարհային քարտեզ համաձայնեցնելու համար։ Այս մասին գրում է իրավապաշտպան Ավետիք Իշխանյանը։
«Պարզից էլ պարզ է, այդ համաձայնագրով հրաժարվելու են Արցախից, միջանցքի անվան տակ, հանձնելու են Սյունիքը, նաև ԽՍՀՄ տարիներին Ադրբեջանի կողմից գրաված՝ այսպես կոչված անկլավները, իհարկե՝ մոռանալով Արծվաշենի մասին։
Բացի այդ, պարզ է նաև, որ Ադրբեջանը դուրս չի բերի զինված ուժերը 2021-2023թթ․ գրաված տարածքներից։ Մի խոսքով, եթե թույլ տանք, այդ համաձայնագիրը կնշանակի Արցախի և Հայաստանի մահը։
Այնպես որ, ժամանակը չի սպասում, բոլոր իրական ընդդիմադիրները պիտի համախմբվեն և օր առաջ վռնդեն դավաճան իշխանությանը»։
--00—ՅՄ