ԵՐԵՎԱՆ, ՍԵՊՏԵՄԲԵՐԻ 14, 24News
Իրանի եւ Ադրբեջանի արտգործնախարարներ Հոսեյն Ամիր Աբդոլլահիանը եւ Ջեյհուն Բայրամովը հեռախոսազրույց են ունեցել։
Աբդոլլահիանն ուշադրություն է հրավիրել այն փաստի վրա, որ Ադրբեջանի եւ Հայաստանի միջեւ լարվածությունը մտահոգություն է առաջացնում։ Նա հավելել է, որ Իրանի համար կարեւոր է տարածաշրջանի երկրների տարածքային ամբողջականությունն ու միջազգային սահմանների անձեռնմխելիությունը։
Նա նաեւ նշել է, որ Իրանը հանդես է գալիս Ադրբեջանի եւ Հայաստանի միջեւ բանակցությունների միջոցով հարցերի խաղաղ կարգավորման օգտին եւ պատրաստ է աջակցել դրան։
--00—ԱՊ