ԵՐԵՎԱՆ, ՄԱՐՏԻ 2, 24News
Ոստիկանության Արտաշատի բաժնի ոստիկանները բացահայտել են բնակարանից փաստաթղթերի գողության դեպք։ Այս մասին տեղեկացրին ՀՀ ոստիկանությունից։
«Փետրվարի 27-ին 1-02 ծառայություն էր զանգել Արտաշատ քաղաքի մի բնակիչ և հայտնել, որ 10 րոպե առաջ նկատել է, որ տնից գողություն է եղել:
Դեպքի վայր է մեկնում ոստիկանության Արտաշատի բաժնի օպերատիվ խումբը: Ըստ ահազանգողի` երկու օր տանը մարդ չէր եղել:
Ուսումնասիրության արդյունքում պարզվում է, որ տեխնիկական միջոցների գործադրմամբ կոտրել էին տան հետնամասի դռան կախովի փականը, մտել, խառնշտորել ողջ տունը և գողացել փաստաթղթեր:
Վերլուծելով կատարվածը և մի քանի ճշտում անելով` Արտաշատի քրեական հետախույզները բերման են ենթարկում Արտաշատի երկու բնակչի՝ 60 և 31 տարեկան: Նրանք խոստովանում են, որ իրենք են գողացել փաստաթղթերը»,- ասվում է հաղորդագրության մեջ:
Ըստ աղբյուրի՝ գողոնը հայտնաբերվել է, քննությամբ էլ կճշտվի, թե ինչ նպատակ ուներ փաստաթղթերի գողանալը:
Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
--00--ԱՀ