ԵՐԵՎԱՆ, ՀՈՒԼԻՍԻ 2, 24News
ԱՄՆ կոնգրեսական Ադամ Շիֆը ֆեյսբուքյան իր էջում գրառում է կատարել, որում աջակցություն է հայտնում Հայաստանին և Արցախին։
«Ավերիչ հակամարտության և անհավատալի տառապանքների տարուց հետո, Ներկայացուցիչների պալատի հայկական խմբի մյուս համանախագահների հետ կարողացանք ավելի քան 52 միլիոն ԱՄՆ դոլարի ֆինանսավորում ապահովել Հայաստանի և Արցախի համար վերջերս ներկայացված Ներկայացուցիչների պալատի Արտաքին գործերի ծախսերի օրինագծում: Այս կայուն ներդրումը կաջակցի ժողովրդավարական, տնտեսական և էներգետիկ բարեփոխումներին Հայաստանում և կտրամադրի անհապաղ մարդասիրական օգնություն Արցախում:
Բայց մեր աշխատանքը հեռու է կատարվածից: Մենք պետք է շարունակենք դրդել Բայդենի վարչակազմին՝ ձեռնարկելու բոլոր դիվանագիտական գործողությունները՝ վերջ տալու ադրբեջանական ագրեսիային և ապահովելու բոլոր հայ կալանավորվածների և ռազմագերիների անհապաղ ազատ արձակումը, որոնցից ոմանք խոշտանգվել են. խախտվել են մարդու իրավունքների միջազգային կոնվենցիաները: Մենք պետք է նաև շարունակենք մղել նախագահ Բայդենին՝ դադարեցնելու ԱՄՆ-ի օգնությունն Ադրբեջանում Ալիևի ռեժիմին, որը շարունակում է կատարել մարդու իրավունքների լուրջ խախտումներ և սպառնում Հայաստանի անկախությանը:
Ես միշտ կանգնելու եմ Հայաստանի և Արցախի ժողովրդի կողքին: Միշտ»։
--00--ԿԿ