ԵՐԵՎԱՆ, ՀՈԿՏԵՄԲԵՐԻ 21, 24News
ՀՀ նախագահ Արմեն Սարգսյանը ՆԱՏՕ-ի կենտրոնակայանում Դաշինքի գլխավոր քարտուղար Յենս Ստոլտենբերգի հետ տեղի ունեցած հանդիպման ժամանակ հայտնել է, որ Թուրքիան պետք է դադարի Լեռնային Ղարաբաղի հակամարտության կողմ հանդիսանալ և նպաստի կրակի դադարեցմանը:
ՆԱՏՕ-ի գլխավոր քարտուղար Յենս Ստոլտենբերգը խորը մտահոգություն է հայտնել Լեռնային Ղարաբաղում հրադադարի խախտման դեպքերի առթիվ և կողմերին կոչ արել բանակցել:
«ՆԱՏՕ-ն չի հանդիսանում այս հակամարտության կողմ: Մենք խորապես մտահոգված ենք կրակի դադարեցման ռեժիմի խախտումներով, որոնք հանգեցնում են նոր զոհերի: Կարևոր է, որ կողմերը պահպանեն զսպվածություն, հետևեն կրակի դադարեցման ռեժիմին ու նստեն բանակցությունների սեղանի շուրջ»,- ասել է նա:
--00--ԱԹ