ԵՐԵՎԱՆ, ՀՈՒՆՎԱՐԻ 16, 24News
ԱՄՆ պետքարտուղար Էնթոնի Բլինքենը Դավոսի տնտեսական համաժողովում կայացած հանդիպման ժամանակ Ուկրաինայի նախագահ Վլադիմիր Զելենսկիին հավաստիացրել է, որ Վաշինգտոնը մտադիր է շարունակել աջակցությունը Կիևին՝ չնայած ԱՄՆ Կոնգրեսում Ուկրաինայի համար նոր ֆինանսավորման հաստատման հետ կապված տարաձայնություններին: «Արմենպրես»-ի փոխանցմամբ՝ հանդիպման տեսանյութը տարածել է Kanal 13 ալիքը։
«Մենք լի ենք վճռականությամբ`շարունակելու մեր աջակցությունն Ուկրաինային, և շատ սերտորեն համագործակցում ենք Կոնգրեսի հետ՝ դրան հասնելու համար: Գիտեմ, որ մեր եվրոպացի գործընկերները նույնը կանեն», - գործակալությունը մեջբերում է Բլինքենի խոսքերը:
Իր հերթին Զելենսկին շնորհակալություն է հայտնել ԱՄՆ նախագահ Ջո Բայդենի վարչակազմին՝ աջակցությունը շարունակելու համար։ Զելենսկին շեշտել է, որ Վաշինգտոնի աջակցությունը Կիևին շատ կարևոր է և օգնում է դիմակայել Ռուսաստանի հարձակումներին։
--00—ԼՀ