ԵՐԵՎԱՆ, ՍԵՊՏԵՄԲԵՐԻ 21, 24News
Սերբիայի մայրաքաղաք Բելգրադում ընթացող ըմբշամարտի աշխարհի առաջնությունում այսօր պայքարի են դուրս գալիս հունահռոմեական ոճի ըմբիշները։
Մրցումային առաջին օրը մրցագորգ դուրս կգա Հայաստանի 4 ներկայացուցիչ՝ Ռուդիկ Մկրտչյանը (55 կգ), Մալխաս Ամոյանը (77 կգ), Մաքսիմ Մանուկյանը (82 կգ) և Դավիթ Օվասապյանը (130 կգ)։
Ռուդիկ Մկրտչյանը պայքարը կսկսի 1/8 եզրափակչից, Մալխաս Ամոյանը 1/16 եզրափակչում ուժերը կչափի Լիտվայի ներկայացուցիչ Պաուլիուս Գալկինասի հետ, Մաքսիմ Մանուկյանը որակավորման փուլում կմրցի Գերմանիան ներկայացնող Իդրիս Իբաևի հետ, իսկ 130 կգ քաշային Դավիթ Օվասապյանի մրցակիցը որակավորման փուլում կլինի Սինգ Մեհարը։
Աղբյուրը՝ Armsport.am:
--00—ՅՄ