ԵՐԵՎԱՆ, ԱՊՐԻԼԻ 21, 24News
ՀՀ վարչապետ Նիկոլ Փաշինյանն այսօր Սյունիքի մարզպետարանում հրավիրված խորհրդակցությանն անդրադարձավ Մեղրիում տեղի ունեցած միջադեպին:
«Հստակ է, որ տեղի է ունեցել օրենքի խախտում: Ակնկալում եմ, որ իրավապահները հստակ և կոշտ ձևով կարձագանքեն: Չի կարելի թույլ տալ, որ անպատժելիության մթնոլորտ գոյություն ունենա ՀՀ-ում»,- ասաց նա:
Դիմելով խորհրդակցությանը ներկա ԱԱԾ պետին և ոստիկանապետին՝ Փաշինյանը նշեց.
«Ակնկալում եմ, որ կտրուկ և հատու գործողություններով այս հարցը կլուծվի, և մեղավորները հանրության համար տեսանելի ձևով կկանչվեն պատասխանատվության»:
Կառավարության ղեկավարը նաև հետաքրքրվեց, թե ինչ գործողություններ են արդեն արվել մեղավորներին պատասխանատվության կանչելու ուղղությամբ:
Նշենք, որ Նիկոլ Փաշինյանին այսօր Մեղրիում դիմավորել և ճանապարհել են սուլոցներով ու հայհոյանքներով:
Մանրամասները՝ տեսանյութում:
--00--ԱԹ