ԵՐԵՎԱՆ, ՀՈԿՏԵՄԲԵՐԻ 6,24News
ԱԺ «Քաղաքացիական պայմանագիր» խմբակցության պատգամավոր Արմեն Խաչատրյանը Գրանադայում տեղի ունեցածը համարում է պատերազմից հետո մեր երկրի ինքնիշխանության, անվտանգության էական ամրապնդմանն ուղղված առարկայական դիվանագիտական մեծ ձեռքբերում։
«44-օրյա պատերազմից հետո Հայաստանի անվտանգությանը, ինքնիշխանությանը և ժողովրդավարությանը, այսինքն՝ պետականությանը սպառնացող իրողությունները բավականին մեծ էին և ռեալ։
Այս ժամանակահատվածում Հայաստանը անցավ բազմաթիվ փորձություններով լեցուն վտանգավոր ճանապարհով, որի երկու կողմերում պետականության կորստի անդունդն էր։
Գրանադայում տեղի ունեցածը համարում եմ պատերազմից հետո մեր երկրի ինքնիշխանության, անվտանգության էական ամրապնդմանն ուղղված առարկայական դիվանագիտական մեծ ձեռքբերում։ Միաժամանակ, Հայաստանի Հանրապետությունը դիտարկվում և ընդունվում է որպես ժողովրդավարական արժեքներին հավատարիմ երկիր, որին սատարում են գրեթե բոլոր ժողովրդավարական երկրները։
Մեր ճանապարհը դեռ լի է փորձություններով, սակայն այն միայն առաջ է տանում։
Կեցցե՜ Հայաստանի Հանրապետությունը», - Facebook-ում գրել է ՔՊ-ականը։
--00--ԼՀ