ԵՐԵՎԱՆ, ԴԵԿՏԵՄԲԵՐԻ 20, 24News
Հայ-վրացական տնտեսական հանձնաժողովի նիստը վարչապետների մակարդակի հասցնելու փաստը վկայում է, որ Հայաստան-Վրաստան երկկողմ հարաբերությունները էլ ավելի դինամիկ են դարձել։ Ինչպես հաղորդում է AliQ Media-ն, այս մասին երկու երկրների վարչապետների նախագահությամբ Թբիլիսիում ընթացող տնտեսական համագործակցության միջկառավարական հանձնաժողովի նիստում հայտարարել է Վրաստանի արտգործնախարար Դավիթ Զալկալիանին։
«Դրա մասին են վկայում Վրաստանից Հայաստան, ինչպես նաև Հայաստանից Վրաստան բարձր մակարդակի այցերը, և ես համոզված եմ, որ այսօր տնտեսական հանձնաժողովի շրջանակներում քննարկված հարցերը շատ կարևոր են ենթակառուցվածքային կարևոր նախագծերի քննարկման, ինչպես նաև երկուստեք հարաբերությունների հետագա խորացման համար»,- ասել է Զալկալիանին։
Նա նաև ասել է, որ հանդիպման ընթացքում կխոսեն նաև երկկողմ ձևաչափերով Վրաստանի վարչապետի հնչեցրած կարևոր նախաձեռնությունների մասին:
--00--ԱԹ