Հայաստանի, ՌԴ ու Ադրբեջանի հոգևոր առաջնորդները կոչ են արել ազատ արձակել գերիներին

ԵՐԵՎԱՆ, ՀՈԿՏԵՄԲԵՐԻ 13, 24News

Հայաստանի, Ադրբեջանի և Ռուսաստանի հոգևոր առաջնորդները եռակողմ հանդիպման արդյունքում հանդես են եկել հայտարարությամբ, որում ասված է.

«Մեր կրոններն ունեն եզակի խաղաղարար ներուժ, հատկապես՝ միջէթնիկ հարաբերություններում:

Աստծո նկատմամբ հավատն ու սերը կարող են օգնել բուժել վերքերը՝ հասցված հայ-ադրբեջանական հարաբերություններում երկարամյա ողբերգական հակամարտության հետևանքով:

Կրոնական սրբավայրերի, պատմական վայրերի և գերեզմանատների նկատմամբ հարգանքն անհրաժեշտ է բարիդրացիական մթնոլորտ պահպանելու համար:

Կոչ ենք անում հստակեցնել անհետ կորածների ճակատագրերը, նպաստել ռազմագերիների ազատ արձակման գործընթացին և թույլ չտալ զենքի ապօրինի կիրառում, որը կվտանգի խաղաղ բնակիչների կյանքը:

Անհրաժեշտ է խուսափել ատելության լեզվից, զերծ մնալ հակամարտության գոտում ռազմական գործողությունների կոչերից»

--00--ԱԹ

Տեսանյութեր