ԵՐԵՎԱՆ, ՄԱՅԻՍԻ 20, 24News
Հայաստանի Հելսինկյան կոմիտեն տարածել է հայտարարություն 2021 թ․ մայիսի 20-ին ՀՀ վարչապետի պաշտոնակատար Ն․ Փաշինյանի կողմից ստորագրվող փաստաթղթի հետ կապված:
Դրանում ասված է.
«2021 թ․ մայիսի 20-ին ՀՀ վարչապետի պաշտոնակատար Ն․ Փաշինյանը հայտարարել է, որ պատրաստվում է ստորագրել մի փաստաթուղթ, որը, ըստ հանրամատչելի տեղեկությունների համադրման, կարող է պարունակել սպառնալիք՝ Հայաստանի Հանրապետության տարածքային ամբողջականության, ինքնիշխանության, ժողովրդավարության և մարդու հիմնարար իրավունքների և ազատությունների նկատմամբ։
Բացարձակապես անընդունելի է ներկա գործադիր իշխանության կողմից նման բովանդակության և կարևորության հարցերի շուրջ՝ հանրությունից անհայտ պայմաններում կատարվող գործողությունները և որոշումները։ Հայաստանի Հելսինկյան կոմիտեն պահանջում է անհապաղ հրապարակել ՀՀ վարչապետի պաշտոնակատարի կողմից վկայակոչված փաստաթուղթը։
ՀՀ Սահմանադրության անփոփոխելի հոդվածները, Հայաստանի Հանրապետության ինքնիշխանությունը և ապագան երբևէ չպետք է լինեն գործող իշխանության կողմից այլ պետության հետ տարվող բանակցությունների առարկա»։
--00--ԱԹ