Հայտնաբերվել է 2 անհետ կորած, 9 հետախուզվող. բացահայտվել է հանցագործության 118 դեպք

ԵՐԵՎԱՆ,  ՄԱՅԻՍԻ 10,  24News 

ոստիկանություն

Ըստ ոստիկանության օպերատիվ հաղորդագրությունների ամփոփագրերի` մայիսի 7-ից 10-ը Հայաստանի Հանրապետության ոստիկանության ստորաբաժանումները բացահայտել են հանցագործության 118 դեպք, որից 7-ը՝ նախկինում կատարված։

Մասնավորապես՝ անձնական ունեցվածքի գողության՝ 44, մարմնական վնասվածք պատճառելու` 16, խարդախության՝ 12, պաշտոնեական կեղծիքի կամ անփութության և ընտանեկան բռնության՝ 6-ական, յուրացման կամ վատնման ու գույքը դիտավորությամբ վնասելու՝ 4-ական, թմրամիջոցի հայտնաբերման՝ 3, զենք-զինամթերքի առգրավման, ապօրինի ծառահատման, խուլիգանության, պաշտոնեական լիազորությունների չարաշահման, ծեծի և սպանության սպառնալիքի՝ 2-ական, սպանության, բնակարանային գողության, որսագողության, թմրամիջոցների ապօրինի իրացման՝ 1-ական դեպք։
Հայտնաբերվել է 2 անհետ կորած, 9 հետախուզվող։ Կամավոր ներկայացել է 2 հետախուզվող։
Գրանցվել է զենք-զինամթերքի կամավոր հանձնման 1 դեպք։

Նախկինում կատարված հանցագործություններից բացահայտվել է անձնական ունեցվածքի գողության՝ 3, մարմնական վնասվածք պատճառելու, բնակարանային գողության, խուլիգանության և ապօրինի ծառահատման 1-ական դեպք։
Անցած 3 օրվա ընթացքում հանրապետությունում արձանագրվել է ճանապարհատրանսպորտային 40 պատահար. 35 մարդ ստացել է տարբեր աստիճանի մարմնական վնասվածքներ:

 --00—ՄՀ

Տեսանյութեր

Live

Լրահոս