ԵՐԵՎԱՆ, ԱՊՐԻԼԻ 29, 24News
Ռուսաստանի խաղաղապահ զորակազմը շարունակում է ապահովել բեռների տարանցումն այն տարածքների միջև, որոնք Ադրբեջանի վերահսկողության տակ են անցել 2020 թվականի նոյեմբերին, հայտնում է ՌԴ ՊՆ-ն:
Ըստ գերատեսչության՝ սոցիալական օբյեկտների, բնակելի շենքերի էլեկտրամատակարարման և ջրամատակարարման համակարգերը վերականգնելու համար Մարդասիրական արձագանքման կենտրոնի 15-րդ ռուսական շարասյունը, որը բաղկացած էր «ԿամԱԶ» մակնիշի ռազմական 20 մեքենայից և ուղեկցող մեքենաներից, 420 տոննա բեռ է առաքել Քարվաճառի (Քելբաջարի) շրջան (էլեկտրական սարքավորումներ, ուժեղացված բետոնե կոնստրուկցիաներ և շինանյութեր):
ՌԴ ՊՆ-ն նաև հիշեցնում է, որ, Ռուսաստանի, Հայաստանի և Ադրբեջանի միջև եռակողմ պայմանագրի պայմանների հիման վրա, ռուս խաղաղապահների աջակցությամբ 15 ավտոշարասյունով 2800 տոննա բեռ է տեղափոխվել:
--00—ԼՄ