ԵՐԵՎԱՆ, ԴԵԿՏԵՄԲԵՐԻ 21, 24News
ԱԺ «Լուսավոր Հայաստան» խմբակցության պատգամավոր Տարոն Սիմոնյանը ֆեյսբուքյան իր էջում գրել է.
«Պարո՛ն վարչապետ, եթե չեք կարողանում սահմանային հարցերում օգուտ տալ Հայաստանի Հանրապետությանը, ապա գոնե Ձեր հայտարարություններով և գործողություններով մի՛ վնասեք:
Մի՛ զրկեք հաջորդ սերունդներին վերականգնել և հաստատել Հայաստանի Հանրապետության այն սահմանները, որոնք առնվազն երաշխավորում են հայ ժողովրդի անվտանգությունը։
Լավ, էլ ո՞նց ասենք, որ սեփական անձի/թիմի այսօրեական արդարացման համար չի կարելի պետականության ու ազգի շահի դեմ քայլ անել...
ՀԽՍՀ-ԱԽՍՀ վարչատարածքային սահմանները անորոշ և վարչատարածքային սահմաններն են եղել։ Ոչ մի օրենքով դրանք չեն կարող հաստատվել։
Դրանք չեն կարող մեխանիկորեն պետական սահմաններ դառնալ այն էլ, թշնամաբար տրամադրված պետությունների միջև, այն էլ հայերին ոչնչացնելու քաղաքականություն վարող պետության հետ»:
--00--ԱԹ