ԵՐԵՎԱՆ, ՀՈԿՏԵՄԲԵՐԻ 25,24News
Հոկտեմբերի 22-ին ոստիկանության Մեծամորի բաժնում հաղորդում էր ստացվել, որ Մեծամորի շենքերից մեկի բակում կենցաղային հարցերի շուրջ ծագած վիճաբանության ժամանակ թալինցի 25-ամյա մի երիտասարդ նախկին ընկերուհուց հափշտակել է հեռախոսը և 30 000 դրամ: Այս մասին հայտնում են ՀՀ ՆԳՆ ոստիկանական ծառայությունից։
Ձեռնարկված օպերատիվ-հետախուզական աշխատանքների արդյունքում հոկտեմբերի 23-ին Մեծամոր քաղաքի շենքերից մեկի բակում երիտասարդը հայտնաբերվեց, ձերբակալվեց և տեղափոխվեց բաժին: Խուզարկությամբ նրա մոտ հայտնաբերվեցին հափշտակված հեռախոսն ու փողը:
Երիտասարդը և կազմված փաստաթղթերը ներկայացվել են Արմավիրի մարզային քննչական վարչություն:
Նախաքննությամբ հանգամանքները պարզվում են:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
--00--ԼՀ