Ուրախ եմ, որ կանգնած ենք հայ-սաուդական նոր հարաբերությունների ակունքում. Արմեն Սարգսյանի ուղերձը

ԵՐԵՎԱՆ, ՍԵՊՏԵՄԲԵՐԻ 23, 24News

53324_b.thumb_.jpg

Հայաստանի չորրորդ նախագահ Արմեն Սարգսյանը շնորհավորել է Սաուդյան Արաբիայի թագաժառանգ, փոխվարչապետ, պաշտպանության նախարար Մուհամեդ բին Սալմանին երկրի Ազգային օրվա առթիվ։

Շնորհավորական ուղերձում մասնավորապես ասված է․ «Ձեր ղեկավարության ներքո Սաուդյան Արաբիան, տնտեսական և սոցիալական բարեփոխումների իր նոր դարաշրջանում, արմատական անցում է կատարում մի շարք ոլորտներում՝ առաջարկելով աճի գրավիչ հնարավորություններ օտարերկրյա և տեղական ներդրումների համար:

Ուրախ եմ, որ մենք կանգնած ենք հայ-սաուդական նոր հարաբերությունների ակունքում, և որ մեր երկու երկրները կարող են սկսել դիվանագիտական հարաբերություններ հաստատել և կառուցել փոխշահավետ գործընկերություն։

Նախորդ տարվա հոկտեմբերին Սաուդյան Արաբիա կատարած իմ այցի ընթացքում մենք Ձեզ հետ տեսակետներ և տեսլականներ փոխանակեցինք Սաուդյան Արաբիայի ապագայի և Հայաստան-Սաուդյան Արաբիա հարաբերությունների վերաբերյալ: Իմ պատրաստակամությունն եմ հայտնում սատարելու և աջակցելու այս ուղղություններին»։

Սաուդյան Արաբիայի Ազգային օրվա առթիվ Հայաստանի չորրորդ նախագահ Արմեն Սարգսյանը շնորհավորական ուղերձ է հղել նաև Սաուդյան Արաբիայի թագավոր Սալման բին Աբդուլ-Ազիզ ալ Սաուդին։

--00—ԶՀ

 

 

 

 

Տեսանյութեր