ԵՐԵՎԱՆ, ՕԳՈՍՏՈՍԻ 21, 24News
Ռուսաստանի դահուկավազքի հավաքականը ուսումնամարզական հավաք է անցկացնում Հայաստանում: Ազգային թիմի գլխավոր մարզիչ Եգոր Սորինը Match TV-ին տված հարցազրույցում նշել է՝ պայմանները հիանալի են և որ Ռուսաստանում նման բարձրության վրա նման համալիրներ չկան: Այս մասին տեղեկանում ենք armsport.am-ից։
«Տեղը նոր է մեզ համար, բայց նոր չէ դահուկավազքի համար։ Խորհրդային տարիներին մեր լեգենդար դահուկորդները շատ ժամանակ էին անցկացնում այստեղ՝ նախապատրաստվելով մրցաշրջանին։ Բազան բավական հայտնի է, բայց ոչ մեր սերնդին։ Անցյալ տարի այս բազայի ղեկավարներից առաջարկ էր ստացվել գալ ու վերակենդանացնել այստեղ մարզումային կենտրոնը։ Հատկապես դրա համար այստեղ դահուկասահքի շրջան է տեղադրվել։ Եթե մենք կանոնավոր կերպով գանք այստեղ, ապա ապագայում այն կավելանա։ Կան նաև բազմաթիվ երթուղիներ վազելու համար, կարելի է մարզվել ճանապարհի վրա։ Լավ սնունդ. այստեղ շատ մրգեր կան, ուստի մեզ այստեղ գրեթե ամեն ինչ դուր է գալիս:
--00--ԼՀ