ԵՐԵՎԱՆ, ՓԵՏՐՎԱՐԻ 2, 24News
Օտար երկրներում ծնված անձանց ԱՄՆ-ում գործող օրենքների համաձայն անվանում են «օտարերկրացիներ»: Սակայն այս եզրույթը քաղաքական ու ռասայական առումով այսօր վիրավորական է թվում, եւ նախագահ Ջո Բայդընը խնդրել է Կոնգրեսին այն փոխարինել «ոչ քաղաքացի» բառով: Այս մասին գրել է Ամերիկայի ձայնը։
Սեիլա Սանտիագոն երկուսուկես տարեկան էր, երբ ծնողների հետ Մեքսիկայից տեղափոխվեց ԱՄՆ: Այսօր նա նրանցից մեկն է, որոնք ողջունում են Բայդընի այս առաջարկը: «Ես հաճախ եմ նեղվում, երբ ինձ անվանում են «օտարերկրացի» այն դեպքում, երբ ես համարվում են այս երկրի անդամ: Ես վճարում եմ հարկերը, օգնում եմ այս երկրի մարդկանց: Այնպես որ, այո, այդ բառից մեր դեպքում պետք է հրաժարվել»:
Ի դեպ Կալիֆոռնիա նահանգում այդ եզրը աշխատանքային կոդից հանվել է դեռեւս 2015 թվականին: Այդ ուղղությամբ աշխատանք են տանում Նյու Յորքում: Նահանգային խորհրդի անդամ Ֆրանսիսկո Մոյայի խոսքերով, իրենց մոտ այդ կապակցությամբ խնդիրներ առաջ չեն եկել:
Սակայն երկրի պահպանողականների կողմից ուժեղ ընդդիմությունն առկա է:
Ներգաղթի հարցերով ուսումնասիրությունների կենտրոնի վերլուծաբան Էնդրու Արթուրն օրինակ ասում է, որ ինքն այդ բառի մեջ վիրավորական իմաստ չի տեսնում, եւ գտնում է, որ այդ բառը շատ ճիշտ է արտահայտում իմաստը:
Լորա Ռիսը, որը Դոնալդ Թրամփի օրոք աշխատել է ներքին գործերի նախարարությունում, այսօր ասում է. «Յուրաքանչյուր ոք այս երկրում, որն ԱՄՆ-ի քաղաքացիություն չունի, օտարերկրացի է: Իսկ եթե նա այստեղ է ժամանել անօրինական եղանակով, ուրեմն անօրինական օտարերկրացի է»:
Հարկ է նշել, որ բառը մեկ այլ բառով փոխարինելու հանգամանքը չի ազդելու ԱՄՆ-ի ներգաղթի օրենքների վրա: Սակայն այն կարող է մեկ անգամ եւս ազդարարել, որ ԱՄՆ-ն օտարազգիներ ընդունող երկիր է:
Ներգաղթի հարցերով փաստաբաններից շատերը, ինչպես նաեւ այստեղ գտնվող անձինք, ովքեր դեռեւս չեն ստացել քաղաքացիություն, հույս ունեն, որ եզրույթը փոխելուց հետո պետք է մտածել նաեւ օրենքերը փոփոխելու մասին, որպեսզի առանց իրենց կամքի ԱՄՆ անօրինական կարգով մուտք գործած անձինք ստանան այստեղ բնակվելու օրինական իրավունք:
Մարդը մարդկային իրավունքները ստանում է ի ծնե: «Այնպես որ, մենք չեն ուզում լինել «օտարերկրացիներ» այն երկրում, որը մենք համարում ենք մերը», ասում են այսօր օտարերկրացիներ համարվող ԱՄՆ-ի բնակիչները:
--00—ՄՀ