ԵՐԵՎԱՆ, ԱՊՐԻԼԻ 25, 24News
48 կգ քաշային Բարեղամ Հարությունյանը Եվրոպայի առաջնությունում բացում է կիսաեզրափակիչի հաղթանակների շարքը: Այդ մասին հայտնում են Բռնցքամարտի ֆեդերացիայից․
«Այս անգամ մեր մարզիկը պարտության է մատնում տանտերերի՝ Սերբիայի ներկայացուցիչ Ռադե Յոկսիմովիչին:
Բարեղամը բոլոր ռաունդներում ուներ նկատելի առավելություն և հաղթեց 4:1 հաշվով: Ոսկե մեդալի համար պայքարում մեր մարզիկը կմրցի Ռուսաստանի ներկայացուցիչ մեր հայրենակից Էդմոնդ Խուդոյանի հետ»։
Բռնցքամարտի ֆեդերացիան ներկայացրել է Բարեղամ Հարությունյանի հաղթական ապրումները․35 ամյա մարզիկը առաջին անգամ է դուրս գալիս Եվրոպայի առաջնության եզրափակիչ։
--00—ՍՊ