ԵՐԵՎԱՆ, ԴԵԿՏԵՄԲԵՐԻ 11, 24News
Իրանը ողջունում է Ադրբեջանի և Հայաստանի համատեղ հայտարարությունը ձերբակալվածների ազատ արձակման վերաբերյալ։ Ինչպես հաղորդում է ԱՊԱ-ն, այս մասին այսօր ճեպազրույցում հայտարարել է Իրանի արտաքին գործերի նախարարության մամուլի քարտուղար Նասեր Քանանին։
Նա նշել է, որ Իրանը սա դրական քայլ է համարում. «Իրանը պատրաստ է նպաստել Հարավային Կովկասի տարածաշրջանում կայուն խաղաղությանը: Կայուն խաղաղության հասնելը պահանջում է խաղաղության ամրապնդում և տարածաշրջանի երկրների միջև վստահության մթնոլորտ:
Մենք հուսով ենք, որ այս միջոցները կհանգեցնեն երկու կողմերի միջև խաղաղության և կայունության:
Իրանի Հանրապետությունը պատրաստ է օգնել երկու երկրներին՝ հանուն խաղաղության և անվտանգության»։
--00—ՅՄ