ԵՐԵՎԱՆ, ՄԱՐՏԻ 15, 24News
«Ինտերի» հարձակվող Հենրիխ Մխիթարյանը խոսել է Չեմպիոնների լիգայի 1/8-ի «Պորտուի» հետ պատասխան հանդիպման մասին (0:0): Իտալական ակումբը առաջին խաղում տարած 1-0 հաշվով հաղթանակի շնորհիվ 12 տարվա մեջ առաջին անգամ դուրս եկավ ՉԼ քառորդ եզրափակիչ: Այս մասին հայտնում է Armspotr.am-ը։
«Մենք գիտեինք, որ շատ բարդ հանդիպում է լինելու: Ուզում եմ շնորհավորել թիմակիցներիս: Մենք կռվեցինք ու տանջվեցինք, և դա արդյունք տվեց։ Սա այն է, ինչ մենք միշտ փորձում ենք անել, բայց երբեմն ձախողվում ենք: Հիանալի խաղ էր, բայց մենք պետք է պատրաստ լինենք ոչ միայն այս հանդիպմանը։ Հաջորդ հանդիպումներում մենք պետք է նույն կերպ խաղանք։ Հուսանք, որ այս հաղթանակը մեզ ավելի մեծ վստահություն կհաղորդի։
Հաղթել Չեմպիոնների լիգա՞ն. Այո, դուք միշտ կարող եք երազել, մենք նույնպես ցանկանում ենք անել առավելագույնը։ Կարծում եմ, որ չպետք է կորցնենք մեր գլուխը, քանի որ առջևում երկու շատ բարդ հանդիպում է սպասվում, քանի որ քառորդ եզրափակչի բոլոր թիմերը հիանալի են»,- Մխիթարյանի խոսքերն է մեջբերում Sky Sport Italia-ն։
--00—ԶՀ