Արցախում հոսանքահարված տղամարդը, որի մոտ կլինիկական մահ էր գրանցվել, գիտակցության է եկել

ԵՐԵՎԱՆ, Օգոստոսի 4, 24News

297758645_428953979270542_11366771401064182_n.jpg

Հուլիսի 31-ին ժամը 22։15-ի սահմաններում, անգիտակից վիճակում ԱՀ ԱՆ «Հանրապետական բժշկական կենտրոն» է տեղափոխվել գետի ափին հոսանքահարված 36-ամյա տղամարդ, որի մոտ արձանագրվել է կլինիկական մահ։

Բժիշկների կողմից իրականացվել են վերակենդանացման միջոցառումներ և բուժում, որի արդյունքում երեկ՝ օգոստոսի 3-ին, հիվանդը գիտակցության է եկել։ Դեպքը առանձնահատուկ էր և մի խումբ բժիշկների հմուտ աշխատանքի շնորհիվ հնարավոր եղավ փրկել հիվանդի կյանքը։

Այս պահի դրությամբ հիվանդի կյանքին վտանգ չի սպառնում։

--00--ԶՀ